EULEX, dyshime për varr masiv në Medvegjë
09/09/2011 15:35
“Shqiptarët s’votojnë presidentin”, Ali Ahmeti “mesazh” Kurtit para zgjedhjeve: Kosovës i duhet Maqedonia e Veriut
06/05 20:07
Ekspertë të mjekësisë ligjore të misionit EULEX ka mbikëqyrur sot një zonë në rajonin e Medvegjës, në jug të Serbisë, ku dyshohet se ndodhet një varr masiv.
Lajmin e ka bërë të ditur vetë misioni evropian përmes një komunikate për shtyp, ku thuhet se në këtë varr dyshohet se janë trupat e kosovarëve, viktima të luftës së viteve 98-99.
“Sipas informacioneve të siguruara, të pranuara nga Komisioni për Personat e Zhdukur, tregojnë se një numër i pacaktuar shqiptarësh mund të jenë varrosur këtu”, thuhet në komunikatë.
Ndërkohë, Alan Robinson, drejtues i departamentit të mjekësisë ligjore në misionin EULEX, saktëson se një ekip i gjerë ekspertësh po mbikëqyrin zonën.
“Roli i tyre është shumë i qartë, të veprojnë si vëzhgues dhe të sigurohen se gjatë operacionit në terren po aplikohet metodologjia e duhur”, ka deklaruar Robinson.
Top Channel
