Kthimi në ishullin e masakrës
20/08/2011 21:35
Kremlini paralajmëron Londrën! Do të kundërpërgjigjemi nëse Ukraina përdor armët britanike për të sulmuar territorin rus 06/05 20:53
Të shpëtuarit e masakrës së Utojas vendosën të kthehen në ishull dhe kjo –sipas psikologëve – do t’i ndihmojë të përballojnë traumën.
Mbi 1500 persona, mes të cilëve të mbijetuar dhe familjarë të viktimave, ndaluan në vendin ku u ekzekutuan pa mëshirë 69 te rinj.
“Truri i njeriut është më mirë kur ka një pamje të qartë sesa fragmente, apo të mbushë të çarat me fantazi”, është shprehur Lars Weisaeph, Universiteti i Oslos.
“Disa patën eksperienca traumatike dhe është e qartë për ne se ishte një moment i vështirë për ta, të përshkonin të gjithë ishullin. Pati të qeshura, histori të mira, pra një përzierje emocionesh”, theksoi John Stale Stamnes, shërbimi i hetimit kombëtar.
Ishulli u vizitua edhe të premten nga të paktën 500 familjarë dhe të afërm të viktimave. Ata dëgjuan nga hetuesit sesi ishin ekzekutuar njerëzit e tyre.
E diela shënon fundin e muajit të zisë, për 77 viktimat, 8 prej të cilave u vranë në kryeqytetin e Norvegjisë, Oslo.
Të enjten u zhvillua dhe ceremonia e fundit mortore e 16 vjeçares, Elisabet Troennes Lie, pasi familjarët vendosën të ishte e pranishme edhe e motra 17 vjeçare, e plagosur rëndë po në ishullin e Utojas.
Një gjykatë në Norvegji shtyu me katër javë të tjera afatin e izolimit të 32 vjeçarit Breivik.
Në sulmet që tronditën Norvegjinë u plagosën 151 persona, 62 në Utoja dhe 89 të tjerë në Oslo.
Top Channel
