Qentë dhe macet kanë dicka të përbashkët, të paktën kur bëhet fjalë për të shuar etjen e tyre.
Deri tani mendohej se për të pirë ujë përdoreshin teknika të ndryshme, për felinët një lëpirje elegante, ndërsa për kaninët një lëpirje e rrëmujshme.
Por shkencëtarët kanë treguar se rivalët shtëpiakë përdorin të dy të njëjtën balancë delikate mes inercisë dhe forcës së rëndesës për të marrë ujin nga ena në gojën e tyre.
Kërkimi është publikuar në gazetën “Biology Letters”. Duke përdorur kamera të shpejtësisë së lartë, shkencëtarët filmuan një mace të racës Cutta-Cutta teksa pinte ujë.
Ata zbuluan se kur gjuha e kafshës binte në kontakt me sipërfaqen e ujit, lëngu ngecte atje. Më pas, kur ajo tërhiqte gjuhën e saj, krijonte një kolonë uji falë inercisë, që do të thotë se uji ka tendencë të lëvizë në drejtimin që tërhiqet.
I njëjti eksperiment i kryer tek një qen ka treguar se edhe kaninët janë po aq të sofistikuar sa macet kur bëhet fjalë për të pirë.
Top Channel
