Kompania “Samsung Electronics” ka paditur “Apple”, duke deklaruar se grupi rival ka shkelur të drejtat e patentës së saj.
Padia vjen vetëm pak ditë pasi “Apple” akuzoi “Samsung” se ka “skllavëruar” modelet e saj të iPad-it dhe iPhone.
Procesi gjyqësor për patentat, i hapur në Korenë e Jugut, Japoni dhe Gjermani, përfshin akuzën e shkeljes së pesë patentave, thuhet në një komunikatë të “Samsung”.
“’Samsung’ po i përgjigjet në mënyrë aktive aksionit ligjor të ngritur ndaj nesh për të mbrojtur pronën tonë intelektuale”, thuhet në komunikatë.
Kompania koreano-jugore është një nga prodhuesit kryesorë të modeleve smartphone, të cilët po përhapen me shpejtësi në industrinë e telekomunikacionit.
Nga ana e saj, “Apple” ngriti një akuzë analoge të premten e kaluar ndaj kompanisë aziatike.
Top Channel
