Clirohet nga akuzat gjenerali amerikan
19/04/2011 09:10
“Po rrezikoni gjithë rajonin”, Antonio Guterres thirrje Iranit dhe Izraelit: Ndaloni sulmet dhe hakmarrjet! Është e rrezikshme 19/04 17:37
Pentagoni ka cliruar nga të gjitha akuzat një gjeneral të ushtrisë amerikane i përzënë pasi ai dhe stafi i tij kishin përdorur një fjalor të rëndë ndaj autoriteteve amerikane.
Deklaratat, në të cilat vihej re një mungesë e thellë respekti ndaj lidershipit të Shteteve të Bashkuara, ishin publikuar nga një revistë amerikane.
Por një hetim i Pentagonit vlerësoi si të pamjaftueshme provat ndaj gjeneralit Stanley McChrystal, i akuzuar për shkelje të politikave ushtarake.
Hetimi arriti në përfundimin se deklaratat e ushtarakut, të publikuara në revistën “Rolling Stone”, nuk ishin të provuara me shkrim.
Për shkak të deklaratave të tij, gjenerali McChrystal, deri në qershor komandant i trupave aleate në Afganistan, u shkarkua nga kjo detyrë.
Presidenti amerikan Barack Obama e zëvendësoi atë me gjeneralin David Petraeus, duke deklaruar se McChrystal kishte dështuar në arritjen e standarteve që duhet të implementohen nga një komandant.
Top Channel
