Itali, goditen dy bandat e drogës

12/04/2011 10:20

Policia italiane në qytetin e Rovigos ka goditur dy grupe kriminale aktive në trafikun e drogës, një prej të cilave shqiptare dhe tjetra marokene.

Lajmin e bëjnë të ditur mediat italiane, sipas të cilave policia po ekzekuton 16 urdhër-arreste, ndërkohë që janë kryer një seri kontrollesh në rajonet e Venetos, Lombardisë dhe Emilia Romanjës.

Gjatë hetimeve, të koduara me emrin “Gjoba e djallit” ishin arrestuar 5 trafikantë të tjerë, saktësojnë burimet.

Ato shtojnë më tej se hetimet nisën pas denoncimit të një prindi, i cili kishte zbuluar se e bija e tij minorene ishte e varur nga droga.

Top Channel