Parrulla fyesë në fushatë
11/04/2011 12:20
Artizani që nuk pushon kurrë! Josif Muça 82 vjeç, ende bën punime druri: Puna është jetë!
13/04 12:45
Një banderolë ofenduese për një prej kandidatëve në komunën Çermë të Lushnjes ka shkaktuar debate mes shtabeve elektorale të dy grupimeve të mëdha.
Për tabelën që kandidati i “Aleancës për qytetarin”, Astrit Dervishi, i ardhur nga LSI ka vendosur për rivalin e tij, kandidati socialist është shprehur i revoltuar për këtë fyerje.
“Siç e shikoni aty është vendosur logoja e kolicionit tonë dhe e PS. Kjo është një fyrje për mua personalisht dhe për gjithë PS-në. Po u bën presion njerëzve nga format më të ndryshme, u bën presion qytetarëve edhe pse ata kanë në zemër PS-në”, theksoi Eltinor Mahmutaj, kandidati i PS-së në Çermë.
Por rivali i tij nga LSI-së që kërkon mandatin e tretë në komunë, ka mbrojtur veprimin e tij.
“Kjo parullë nuk është ofenduese. Jemi në fushatë dhe nëse është në përputhje me ligjin, nuk ka asnjë problem”, theksoi Astrit Dervishi, kandidati LSI-së në Çermë.
Ky acarim nuk është pritur mirë nga banorët të cilët kërkojnë një garë të pastër dhe pa incidente.
Top Channel
