Invalidët, apel për më shumë vëmendje
07/04/2011 17:30
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Është vënë paksa në siklet kryeministri i vendit, kur një nga personat me aftësi të kufizuara i ka shprehur hapur se që prej pesë vitesh nuk ka mundur t’i shprehë atij shqetësimet e këtij komuniteti, qoftë dhe nëpërmjet numrit të telefonit të vënë në dispozicion nga kryeministri.
Kjo situatë erdhi menjëherë pas fjalës së kryeminsitrit, i cili kërkoi para përfaqësueve të OSBE-së dhe përfaqësuesve të Këshillit Britanik më shumë vëmendje nga organet vendore ndaj personave me aftësi të kufizuara për integrimin e tyre.
“Qeveria qendrore përcakton fondet, por asgjë nuk mund të zëvendësojë komunitetin, qeverinë vendore, kujdesin e saj për këta qytetarë. Ftoj forcat politike që kujdesin, interesin, kushtet për personat me aftësi të kufizuar ta shndërrojnë në përparësi”, deklaroi Berisha.
Kryeministri kërkoi reformimin e Këshillit Kombëtar të Aftësisë së Kufizuar me qëllim që të bëjë sa më mirë monitorimin, avokatinë dhe zbatimin e legjislacionit për aftësinë e kufizuar.
Prezenca e OSBE dhe Mbretëria e Bashkuar bëjnë thirrje për më shumë mbështetje për njerëzit me aftësi të kufizuara në Shqipëri.
Ambasadori i OSBE-së në Tiranë tha se në Shqipëri numërohen 1300 persona me aftësi të kufizuara, por që në fakt përbëjnë kategorinë më të lënë pas dore.
Ndërsa amabsadorja britanike u shpreh se Shqipëria duhet të hedhë hapa të sigurtë drejt fuqizimit të legjislacionit për përmirësimin e jetës së personave me aftësi të kufizuara.
Në këtë takim u diskutua përvec përshtatshmërisë e punësimit edhe për marrëdhinet mes perosnave me aftësi të kufizuara me median.
Top Channel
