Çlirohet tregu i gazit
12/03/2011 08:20
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Pas dy muajsh ndërprerje të furnizimit të tregut me gaz, “Petrolifera”, terminali i hidrokarbureve që ndodhet në Vlorë, ka njoftuar dje se ka nisur punën për ngarkimin dhe shkarkimin e lëndëve djegëse.
Ndërprerja e punës në “Petrolifera” reduktoi ofertën e gazit në treg, duke ndikuar më pas në rritjen e çmimit.
Terminali nuk pranonte të vendoste kasa fiskale, ashtu siç kishte vepruar Romano-Port, në Durrës, me argumentin se nuk shiste, por ofronte shërbim.
Kundërshtia nga ana e kompanisë solli përplasjen me Tatimet, të cilat, së bashku me degën e doganës në Vlorë ndaluan shkarkimin e gazit dhe naftës në rast se shoqëria nuk vendoste kasa fiskale.
Lajmi për zhbllokimin e situatës u dha në fillim nga portali “karburant.com”, dhe më pas nga administrata tatimore.
Mësohet se një vendim i Këshillit të Ministrave, i marrë në mbledhjen e fundit, të mërkurën e kësaj jave, bëri të mundur dhe nisjen e punës.
Gazeta “Shqip” mëson se VKM-ja autorizon “Petroliferën” të vendosë kasa fiskale, si dhe rregullon procedurën që duhet të ndjekin shoqëritë e mëdha dhe magazinat doganore lidhur me instalimin e pajisjeve.
Top Channel
