Indi, papunësia bombë me sahat
18/02/2011 10:45
Kina, e zemëruar me SHBA-në për mbështetjen ndaj Tajvanit: Po luan me zjarrin 22/12 11:14
Mbi 100 mijë persona në kërkim të një vendi pune kanë mbushur së fundmi sallonin e punës në një qytezë në veri të Indisë, që ofronte më pak se 500 vende.
Për ekspertët, papunësia është një bombë me sahat për Indinë, edhe pse konsiderohet si fuqia e tretë ekonomike në Azi.
Qytetarët kanë vërshuar në qytetin e Bareilit, në shtetin Utar Pradesh, për t’iu përgjigjur 416 vendeve si policë kufitarë mes Indisë dhe Tibetit.
Vende të tjera pune si berberë ose transportues uji janë propozuar me rroga mujore, baza e të cilave është 5.200 rupi, ose 84 euro.
Por tragjedia e vërtetë për turmën e njerëzve ka ndodhur gjatë kthimit, ku shumë prej tyre janë shtypur gjatë tejmbushjes së trenave për t’u kthyer në shtëpi.
Disa pasagjerë që kishin gjetur një vend në catitë e veturave kanë gjetur vdekjen pasi janë shtypur kur treni kaloi poshtë një ure.
Top Channel
