Biznesi, nën ethet e zgjedhjeve
15/01/2011 08:40
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Procesi zgjedhor ka përfshirë edhe sektorin e biznesit në vend. Përveç fushatës që pritet të nisë për zgjedhjet lokale, duket se kanë nisur lëvizjet edhe te biznesi shqiptar.
Pak ditë më parë, sektori i turizmit u njoh me strukturën e re drejtuese, ndërsa shumë shpejt pritet të zhvillohen zgjedhjet edhe për Dhomën e Tregtisë së Tiranës.
Në Konferencën e 3-të vjetore, anëtarët e Shoqatës Shqiptare të Turizmit (ATA), zgjodhën Enver Mehmetin si president të saj për një mandat 2-vjeçar, duke pasuar Kliton Gërxhanin, i cili nuk rikandidoi.
Mësohet se për presidentin e ATA-së pati vetëm një kandidat, dhe zgjedhja e tij kaloi formalisht, në mungesë të një gare të plotë.
Për Dhomën e Tregtisë së Tiranës, zgjedhjet e reja pritet të zhvillohen në shkurt, ku mendohet se gara do të jetë e fortë.
Kryetari aktual i Dhomës, Nikolin Jaka ka njoftuar anëtarët për zgjedhjen e bordit të ri drejtues, i cili më pas do të votojë për liderin e biznesit të Tiranës.
Top Channel
