Plepa-Rrogozhinë “ha†edhe 850 milionë lekë
02/01/2011 08:25
Tornitor prej 62 vitesh! Historia e 78-vjeçarit nga Vlora që e ka shndërruar një dhomë të shtëpisë në ofiçinë 12/05 20:39
Në mesin e vapës, njerëz që tentojnë të kapërcejnë murin prej dy metrash që ndan autostradën me pjesën e rrugës dytësore, me qëllim hipjen në autobus për t’u kthyer në Tiranë, të bën të kuptosh se rruga që po ndërtohet prej disa vitesh nuk rezulton të jetë praktike.
Problemi është se mbikalimi më i afërt ishte pranë shkëmbimit të Kavajës, rreth 2 kilometra larg, gjë që ia bënte të vështirë kalimtarëve/pushues ecjen në kushte normale në kulmin e trafikut.
Aksi rrugor që nis nga by pass i Plepave (Durrës) dhe që përshkon gjithë vijën e plazhit të Golemit, e më tej në Kavajë, për t’u mbyllur në Rrogozhinë vijon ende t’i kushtojë buxhetit të shtetit.
Me miliardat e shpenzuara dhe me një projekt që ka marrë jetë njerëzish, rruga Plepa-Kavajë-Rrogozhinë konsiderohet vepra më pak eficiente për vendin.
Investimet përreth janë në prag të falimentit, kurse pushuesit dhe banorët e zonës që tentojnë të kapërcejnë hekurat 2 metra të gjatë po shkaktojnë një kaos të vërtetë.
Sakaq, Drejtoria e Rrugëve sapo ka lidhur kontratën me firmat ndërtuese për vijimin e punimeve, të cilat kushtojnë edhe 850 milionë lekë, shtesë punimesh.
Mungesa e një strategjie për ndërtimin e rrugës, me 2 apo me 4 korsi dhe zbatimi i parimit ‘duke parë dhe duke bërë’ po e kthejnë këtë korridor, jo vetëm në ferrin për drejtuesit e automjeteve, por edhe gropë për buxhetin e shtetit.
Vendosja e një rruge dytësore nuk dha ndonjë rezultat të duhur. Trafiku duket i zgjidhur në segmente të caktuara, por pranë ‘Shkëmbit’, makinat shtojnë radhët për të kaluar drejt by pass-it, kurse kapërcimi i autostradës bëhet me mjete rrethanore, si vendosje gurësh për të arritur murin, kapërcim hekurash me ndihmën e tjetrit etj. Punimet vijojnë ende në vitin pestë, volumi i të cilave rritet në kulmin e sezonit turistik.
Top Channel
