Haiti, kolera rrezikon 650 mijë persona
04/12/2010 11:10
Kombet e Bashkuara kanë paralajmëruar se epidemia e kolerës në Haiti mund të prekë shumë më tepër njerëz nga sa mendohej.
Sekretari i përgjithshëm Ban Ki Moon ka deklaruar se autoritetet shëndetësore kanë vlerësuar së fundmi se 650 mijë persona mund të infektohen në 6 muajt e ardhshëm.
Ki Moon ka thënë gjithashtu se OKB dyshon se numri i të vdekurve nga epidemia mund të jetë dyfishi i shifrës zyrtare, që është 1800.
Sekretari i përgjithshëm ka bërë thirrje për ndihmë ndërkombëtare, pasi sipas tij Haiti ka një nevojë urgjente për personel mjekësor.
Ndërkohë, organizatat Pan-American dhe OBSH vlerësojnë se duhen të paktën 350 doktorë shtesë që të ndihmojnë stafin mjekësor prej 300 personash që është aktualisht i angazhuar.
Top Channel