Irani mohon “impiantin nuklear sekret”
11/09/2010 01:05
Irani hodhi poshtë pretendimet e një grupi disident mbi ndërtimin e një laboratori sekret të shfrytëzimit të energjisë bërthamore.
Grupi “Muxhahedinët e Iranit” deklaron se ka pamje satelitore që tregojnë impiantin nuklear rreth 120 kilometra në veri-perëndim të Teheranit.
Por kreu i Agjencisë Iraniane të Energjisë Bërthamore kundërshtoi pretendimet e muxhahedinëve duke deklaruar se aktivitetet nukleare të Republikës Islamike janë bërë transparente ndaj Agjencisë Ndërkombëtare të Energjisë Bërthamore.
Ndërkaq për impiantin në fjalë Shtetet e Bashkuara shprehen se janë në dijeni, por mendojnë se ai nuk ka funksion bërthamor.
Top Channel