Koreja e Veriut ka deklaruar se do të lirojë ekuipazhin e një varke peshkimi që hyri ilegalisht në ujërat e saj territoriale.
Shtatë peshkatarët mbahen prej një muaji pasi varka e tyre u ndalua në brigjet lindore të gadishullit korean.
Mediat shtetërore lokale deklarojnë se anija dhe ekuipazhi do të dorëzohen të martën në kufirin e bregut lindor.
Peniani ka deklaruar se anëtarët e ekuipazhit kanë pranuar hyrjen ilegale në ujërat e Koresë së Veriut, por kanë premtuar se nuk do ta bëjnë më një gjë të tillë. Ata janë tre shtetas kinezë dhe katër koreano-jugorë.
Marrëdhëniet mes dy Koreve janë tensionuar që kur Jugu fajësoi Veriun për mbytjen e një anijeje luftarake në muajin maj.
Si reagim Seuli ka kryer një seri stërvitjesh ushtarake pranë kufirit detar, së bashku me marinën e Shteteve të Bashkuara.
Top Channel