Rusi, sërish zjarre, viktima në disa rajone
03/09/2010 09:00
Zjarre të reja kanë rënë në rajonin e Volgogradit, në Rusi, duke shkaktuar vdekjen e pesë personave dhe plagosjen e 14 të tjerëve.
Lajmin e bëjnë të ditur agjencitë ruse, sipas të cilave flakët kanë shkatërruar rreth 500 banesa, duke lënë të pastrehë rreth 1 mijë persona.
Sipas burimeve, shkak i zjarrëve janë bërë disa kabllo elektrikë të tensionit të lartë, të cilët u këputën nga një erë e fortë.
Ndërkohë, zjarre të tjera janë verifikuar në zonën e Togliatit, ku autoritetet kanë shpallur gjëndjen e jashtëzakonshme.
Top Channel