Itali, sulmohet me thikë, shqiptarja gjen vdekjen
13/07/2010 00:40
Një vajzë shqiptare u bë pre e një sulmi me thikë në qytezën e Kuneos, pranë Torinos në Italinë veriore, duke gjetur vdekjen e menjëhershme.
Sipas njoftimit të autoriteteve italiane, shqiptarja ndodhej nën shoqërinë e një miku italian në qendër të qytezës në momentin kur u sulmua me thikë. Nga sulmi e reja shqiptare, identiteti dhe mosha e së cilës nuk bëhet publike ka gjetur vdekjen. Mësohet se ajo qëndronte me dokumentacion të rregullt në vendin fqinj. Ndërkohë që i riu italian ka mbetur i plagosur, por jashtë rrezikut për jetën.
Policia italiane ka nisur hetimet dhe dyshon se sulmi është ndërmarrë nga një shtetas shqiptar për motive xhelozie.
Top Channel