Afganistan, Petraeus merr zyrtarisht detyrën
04/07/2010 10:20
Gjenerali amerikan David Petraeus ka marrë zyrtarisht detyrën e komandantit të forcave ndërkombëtare të Isaf-it në Afganistan.
Gjatë një ceremonie në bazën qëndrore të NATO-s në Kabul, Petraeus u prezantua në detyrën e re. Ai pason gjeneralin Stanley McChrystal, duke thënë se do ta vazhdojë punën aty ku e la ai.
“Kemi hyrë në këtë luftë për të fituar”, tha mes të tjerash ish komandanti i forcave amerikane në Irak.
Top Channel