Reforma financiare, Obama: Do të kalojë
30/06/2010 22:25
Shtëpia e Bardhë shprehet e bindur se Senati do të kalojë reformën financiare e cila do të ristrukturojë marrëdhëniet me “Wall Street”.
Bindja shfaqet edhe tek vete presidenti Obama i cili më këmbëngulje kërkon kalimin e reformës. Kreu i Shtëpisë së Bardhe shprehet i sigurtë se demokratët i kanë numrat e nevojshëm në Senat dhe sulmon republikanët të cilët nuk janë shumë dakort me reformën në fjalë.
“Shumë në partinë tjetër parashikohet të votojnë kundër kësaj reforme dhe jam i habitur që kreu republikan në Senat e cilëson reformën me një armë bërthamore që do të përdoret për të vrarë një mizë”, deklaroi për mediat amerikane Obama.
Top Channel