Pyetësori i Brukselit
10/06/2010 19:35
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Ministrja e Integrimit, Majlinda Bregu njoftoi sot se Shqipëria ka dorëzuar pranë Komisionit Europian të tëra përgjigjet e kërkesave dhe pyetjeve shtesë që iu dërguan pas dorëzimit të pyetësorit më 14 prill.
Ishin rreth 700 kërkesa shtesë mes të cilave ministria e Integrimit identifikoi 170 pyetje të reja.
Kërkesat për sqarime shtesë dhe pyetjet e reja u shoqëruan me misione verifikimi në terren, pranë doganave, bizneseve shqiptare apo komisioneve parlamentare.
Deri më sot 4 misione vëzhguesish prej ekspertësh europianë kanë përfunduar vëzhgimin e tyre në terren, 2 misione janë ende në Shqipëri dhe 3 të tjerë do të përfundojnë vëzhgimin e tyre deri në fund të muajit.
Ministrja Bregu njoftoi se përgjigjet e pyetësorit do të bëhen të ditura shumë shpejt për publikun.
Mes pyetjeve shtesë kishte edhe pyetje që merrnin shkas nga situata aktuale politike, si psh mbi objektin e komisioneve hetimore parlamentare.
Ministrja Bregu shprehu bindjen se “në proçesin e integrimit europian askush nuk i heq meritat qeverisë”, ndërkohë që njihen tentativat për bllokim, shtoi ajo, të disa politikanëve të opozitës.
Top Channel
