Itali, shqiptarët me konsull të rremë

Por kohët e fundit ai ka filluar të përdorë këtë titull edhe pse nuk i takon më, duke harruar një detaj të vogël: mandati i tij ka skaduar prej gati dy vjetësh dhe më pas nuk është rinovuar më.

Këtë e konfirmoi për Top Channel edhe ambasadori shqiptar në Itali, Llesh Kola. Ai shtoi se çdo nismë a aktivitet i zotit Firera pas skadimit të mandatit, nuk kryhet si përfaqësues i shtetit shqiptar, por në emrin e tij personal.

Por skadimi i mandatit pesë-vjeçar nuk e ka penguar zotin Firera që të vazhdojë të paraqitet si konsull nderi në seli institucionale nga më të ndryshmet.

Një prej rasteve të fundit është ai i binjakëzimit mes konservatorit Cantelli të Novarës dhe Akademisë së Arteve të Tiranës, që kishte si nismëtar pikërisht atë që mund të quhet ish-konsull nderi. Për fat të mirë projekti ka mbetur ende pezull dhe nuk janë dhënë fondet e nevojshme.

E njëjta gjë shihet edhe në websitin e azhornuar së fundmi dhe në konsullatën shqiptare të nderit në Torino na u përgjigjen se konsull është zoti Firera.

Top Channel