Kryeministri izraelit ka deklaruar se politika e tij mbi Jeruzalemin nuk do të ndryshojë, duke bërë që mosmarrëveshja me SHBA mbi ndërtimet të vazhdojë.
Deklarata e Benjamin Netanyahut erdhi para raportimit në kabinetin e tij për bisedimet e zhvilluara me presidentin amerikan Barack Obama.
Nga ana e tyre Shtetet e Bashkuara nuk e kanë komentuar vendimin. Në qendër të cështjes mbetet plani i Izraelit për të ndërtuar 1600 shtëpi në Jeruzalemin Lindor.
Palestinezët e duan këtë territor si kryeqytetin e tyre dhe deklarojnë se nuk do të marrin pjesë në negociatat për paqen, që do të ndërmjetësohen nga SHBA.
Ndërsa Izraeli insiston se Jeruzalemi do të mbetet një kryeqytet i pandashëm. Rreth gjysmë milion hebrej jetojnë në mbi 100 koloni të ngritura që kur Izraeli pushtoi Bregun Perëndimor dhe Jeruzalemin Lindor në 1967-ën.
Top Channel