Orteqet bllokojne aksin Qafe Mali-Kukes

08/03/2010 17:40

Rreshjet e debores kane bllokuar teresisht kalimin ne rrugen nacionale qe lidh Tiranen me Kukesin. Ne Qafen e Malit per shkak te orteqeve, rruga eshte e pakalueshme dhe me dhjetra automjete kane ngelur te bllokuara per ore te tera ne te dyja anet. (UPDATE)

Edhe pse ne vend ndodhet nje mjet borepastrues, situata eshte e veshtire sepse sasia e madhe e rreshjeve dhe orteqet e shpeshta e bejne te pamundur normalizimin e levizjes.

Nderkohe, te bllokuara jane disa mjete te transportit urban. Policia kishte ndaluar me pare kalimin e mjeteve te renda per shkak te kalimit vetem me nje sens ne kete rruge ne zonat e larta malore.

Probleme te ngjashme jane verejtur edhe ne segmentin Tirane-Peshkopi, ne zonen e Bulqizes dhe te Burrelit. Rezultojne te bllokuara akset nacionale qe lidhin Peshkopine me Kukesin dhe Peshkopine me Librazhdin.

Dhjetra komuna ne Shkoder, Tropoje, Puke, Kukes, Has, Diber, Librazhd, Elbasan, Korce e Kolonje jane bllokuar nga rreshjet e dendura te debores qe u shtuan gjate oreve te pasdites.

Ne juglindje te vendit raportohen veshtiresi levizjeje ne Qafe Thane, ne Qafe Plloce dhe ne Qafen e Qarrit. Disa rruge rurale jane bllokuar nga rreshjet, ndersa temperaturat jane ulur ndjeshem nen zero.

Nderkohe, policia greke riatdhesoi 9 klandestine qe kishin tentuar te kalonin dje kufirin, duke i kthyer ata ne policine e Devollit.

Klandestinet ishin bllokuar ne kufi nga debora. Ata jane kryesisht nga Peqini dhe Lushnja dhe kishin humbur rrugen ne afersi te Kosturit.

Sipas policise, jane deportuar shtetasit Mondi Paja 26 vjec, Besim Kashari 17 vjec, Klement Suli 20 vjec, Hajri Sulko 23 vjec, Valter Elezi 22 vjec, Ariel Xhaja 20 vjec, Tomorr Sulko 24 vjec, Kreshnik Sulko 22 vjec dhe Servet Sulko 22 vjec.

Nente te rinjte ishin nisur nga mali ne zonen e Kapshtices dhe pasi kishin kaluar ne territor grek e kane patur te pamundur udhetimin e metejshem per shkak te motit te keq.

Top Channel