Ekonomi, ulet konsumi

01/03/2010 20:20

Banka e Shqiperise paralajmeron per nje ngerc te mundshem te rritjes ekonomike, e cila keto dy dekadat e fundit eshte mbeshtetur nga kerkesa e larte per konsum.

“Ne 2-3 vitet e fundit kemi ngritur ceshtjen e pozicionit te jashtem te ekonomise shqiptare, qe karakterizohet nga nje deficit i larte. Kjo do te thote se ekonomia shqiptare me shume konsumon”, deklaron Erald Themeli, drejtor i politikave monetare ne BSH.

Shqetesimi me i madh i bankes eshte se burimet, te cilat kane financuar konsumin deri me tani jane te paqendrueshme ne kohe dhe u goditen menjehere sapo filloi kriza.

“Shqetesimi ka te beje me natyren qe mbulohet ky konsum i ekonomise. Deri me tani konsumet ishin financuar ne formen e remitancave”, sqaron Themeli.

Dergesat e emigranteve rane ne 2009-en per te dytin vit rresht, ndersa kriza financiare thuajse i ka ndalur fondet qe kane hyre ne ekonomi permes kredive qe bankat kane dhene per deget e tyre ne Shqiperi.

Ne pamundesi per te gjetur para per te financuar konsumin, familjet shqiptare po blejne me pak. Kete e tregojne edhe te dhenat e periudhes tetor-dhejtor, ku importet rane mbi dy here me shume se mesatarja e gjithe vitit.

Banka apelon se Shqiperia duhet te kerkoje burime te reja financiare per te mos cenuar rritjen ekonomike.

“Masat qe mund te ndermerren kane te bejne me nxitjen e prodhimit vendas dhe me nevojen per terheqje te burimeve me te qendrueshme te investimit, qe jane investimet e huaja direkte”, shton Themeli.

Kriza e ka kthyer ekonomine ne nje tjeter shtrat me me pak konsum dhe investime private, qe paralajmeron se Shqiperia do ta kete te veshtire t’i rikthehet serish rritjes ekonomike te viteve te kaluara.

Top Channel