Emigrantet nxjerrin ne shitje pronat

Bumi i pese viteve te fundit duket se po shfryhet, per shkak te kerkeses se ulet per prona te paluajtshme. Emigrantet po sjellin me pak te ardhura ne Shqiperi, duke ndikuar te tregu imobiliar. Agjenci te ndryshme ne Tirane raportojne per nje situate krize ne sektor. “Jo vetem qe nuk blejne me si me pare, por po rritet oferta per t’i shitur pronat e tyre”, thote nje perfaqesuese e agjencise imobiliare.

Nje tjeter shton se tregu po hyn ne krize te vertete, me pak shitje dhe kryesisht veprime per qira. “Ajo qe te ben pershtypje eshte fakti se, pavaresisht kerkeses se larte per te shitur apartamentet e blera ne vitet e fundit, emigrantet nuk para negociojne per cmimin, ne menyre qe tregu te kishte nje zhbllokim”, thote nje ekspert pronash. Viti 2009 reflekton krizen me te madhe per emigrantet, pasi ekonomite e vendeve ku punojne kane pesuar tkurrje te zhvillimit.

Te dhenat e fundit nga Banka e Shqiperise tregojne se te ardhurat nga emigrantet kane pesuar ulje me te pakten 6.2 per qind. Deri ne nentemujorin e pare 2009, emigrantet kane sjelle ne Shqiperi rreth 580 milione euro, ose gati 45 milione euro me pak se nje vit me pare.

Edhe pse tregu imobiliar eshte i dyndur me oferta per shitje apartamentesh (sidomos ne dy muajt e fundit), kerkesa vjen gradualisht duke u ulur. Shkak eshte mungesa e parase, kryesisht e ndikuar nga emigrantet, te cilet ishin shtylla kryesore e furnizimit te tregut me kerkesa per prona te paluajtshme. Tani po ndodh e kunderta. Pronat e blera pa hesap gjate viteve te lulezimit ekonomik kane dale ne shitje.

Ekspertet gjykojne se ndryshimi i kursit erdhi per shkak te veshtiresive financiare qe po kalojne individet, kryesisht familjet, e nxitur edhe me shume nga ideja per te qendruar perfundimisht ne emigrim.

Pervec mungeses se parase, tjeter shkak qe i le pronat stok te pashitura jane cmimet e larta. Ajo qe vihet re nga agjencite imobiliare eshte fakti se cmimet vijojne te jene te larta, por me nje ndryshim: kane frenuar se rrituri. “Ndersa situata po perkeqesohet, firmat e ndertimit per shkak te veshtiresive financiare nuk e shikojne te favorshme qe te bejne ndryshime ne cmimet e apartamenteve qe tregtojne, pasi nuk do te justifikonin koston qe ka pasur ndertimi i tyre”, shprehet nje nga punonjesit e agjencive imobiliare.

Keto te fundit nuk percjellin aspak optimizem per situaten e krijuar ne treg dhe shprehen se e vetmja gje qe po ndihmon agjencite te mbijetojne jane qirate, te cilat pavaresisht cmimeve te larta, kane nje kerkese te larte nga qytetaret.

Top Channel