Burime per Top Channel konfirmojne se Presidenti i Republikes po pret qe mazhoranca te shprehe ne menyre te qarte vullnetin per t’u ulur ne nje tryeze politike.
Deri me sot kryeministri eshte shprehur se nuk refuzon askend qe do te organizoje negociata dhe nese Topi do te binde Ramen, per t’u pershtatur me rregullat e shtetit ligjor qe jane vendimi i gjykateve, atehere ai mirepret cdo takim.
Kurse kryetari i opozites eshte deklaruar se e ka shprehur qarte gatishmerine per t’u ulur ne nje tryeze te hapur per dialog dhe per zgjidhjen e krizes politike.
Burimet saktesojne per Top Channel se Presidenti i druhet mospjesmarrjes ne tryeze te kryeministrit.
Sic pohoi ne nje interviste per Top Channel Afrim Krasniqi, ish-keshilltar politik i Presidentit Moisiu dhe deshmitar okular i disa tryezave, kryetari i partise demokratike Sali Berisha nuk ka marre pjese me argumentin se si kryeminister ai nuk mund te ulet ne tryeza partish politike.
Madje edhe ne 2007-en, kur diskutohej kodi zgjedhor, ai gjeti nje aktor tjeter jashte tryezes se partive politike: sipas analisteve, per t’i hequr meriten per zgjidhjen e krizes, presidentit Moisiu. Te njejtet analiste pyesin sot nese kryeministri do te pranoje apo jo te ulet ne nje tryeze te thirrur nga ish-vartesi i tij, sic e ka cilesuar ai vete njehere Presidentin Topi? Ne cdo rast, sipas burimeve, kreu i shtetit po pret shprehjen e vullnetit te qarte te mazhorances.
Top Channel
