Lohan dhe Montobio, sot ne zyren e Topit

Nje dite pas miratimit te rezolutes ne Asamblene Parlamentare te Keshillit te Europes, ambasadori spanjoll ne Tirane, Manuel Montobio, vendi i te cilit ka presidencen e radhes se BE-se dhe ambasadori Helmut Lohan, do te zhvillojne nje takim me kreun e shtetit shqiptar.

Thelbi i ketyre bisedimeve do te jete pa dyshim zgjidhja e krizes politike ne vend.

Bashkimi Europian nis keshtu aksionin e tij te forte politik per te vendosur nese do t’i hape Shqiperise porten e radhes per te vazhduar drejt integrimit apo do ta mbylle, duke e vonuar procesin edhe me tej.

Nderkohe qe ne kryeqytetin e BE-se, Komisioni po i jep doren e fundit opinionin qe do t’i paraqese Keshillit te Ministrave nese e meriton vendi yne te marre statusin e kandidatit apo jo, nga Tirana ka ardhur nje mesazh i forte nga i derguari i Brukselit ne kryeqytetin shqiptar.

Kreu i Delegacionit te Komisionit Europian ne Shqiperi, Helmut Lohan, ka deklaruar ne menyre te qarte dje se

“Eshte koha t’i jepet fund stanjacionit politik ne Shqiperi. Ketu nevojitet te kthehet sa me pare demokracia parlamentare funksionale. Siç e dini, Komisioni Europian po pergatit opinionin per sa i perket statusit kandidat per Shqiperine, por çdo zgjatje e situates aktuale politike do te demtoje objektivin e pergatitjes se opinionit. Ne do te mirepresim hapat qe do te ndermerren per zgjidhjen e kesaj çeshtjeje sa me pare”.

Ne menyre te hapur diplomati gjerman qe drejton zyren e Brukselit ne Tirane ka bere te ditur se aktoret politike kane ne dore fatin e integrimeve te vendit. Ne muajin shkurt ne Shqiperi do te vijne dy delegacione te Komisionit Europian qe do te shohin zbatimin e detyrimeve per vizat.

Top Channel