Bogdani: Tek partite shqiptare mungon demokracia

Duke folur per momentet e para ne radhet e Partise Republikane, Bogdani eshte shprehur se ne kete subjekt, por edhe ne parti te tjera, eshte shume e theksuar mungesa e demokracise.

“Angazhimin tim ne politike e kam pasur 4 vjet me PR ne fund te viteve ‘90. Gjeja qe me ka lene pershtypje te hidhur eshte mungesa e demokracise se brendshme ne parti. Ka qene shume e theksuar tek PD dhe ne vitet e fundit e shoh edhe ne PS”, ka deklaruar Bogdani.

Ajo ka theksuar se ne zgjedhjet e pergjithshme te vitit 2001 lista e kandidateve u hartua ne fshehtesi dhe se vetem per shkak te reagimit te saj u largua nga partia.

“Ne zgjedhjet parlamentare te 2001-shit, sic vazhdon te behet, lista e kandidateve per deputete te PR u shkrua nga kryetari ne zyren perkatese dhe na u servir ne mbledhjen e kryesise. Ky ka qene konflikti im i pare me kryetarin dhe une dhe nje person tjeter beme nje reaksion. E ngrita ceshtjen edhe ne shtyp dhe aty nisen gjerat primitive dhe kjo menyre doli si fenomen, qe eshte negativ. Une beja pjese ne shume forume dhe mora vesh pastaj qe isha hequr. Me pas u hoqa nga kryesia dhe asambleja”, ka treguar Bogdani.

Me tej ajo ka treguar per karrieren e saj ne Britanine e Madhe dhe se si u anetaresua ne radhet e Partise Konservatore.

“Shkova per studime ne Britani dhe vendosa te angazhohem ne nje parti politike, duke vleresuar se konservatorja kishte parimet e djathta. U anetaresova pas 8 muajsh”, ka shtuar Bogdani.

Top Channel