Tatimet: Verifikim cmimeve abuzuese

28/12/2009 08:40

Brenda nje jave cmimet e artikujve kryesore te konsumit kane pesuar nje rritje deri ne 40 per qind.

Kete fakt e pranon dhe vete Drejtoria e Tatimeve, megjithate deri tani nuk eshte bere asnje nderhyrje deri ne verifikimin e situates. Tregtaret ia kalojne fajin njeri-tjetrin (i madhi tek i vogli dhe anasjelltas). “Investigimi ka nisur me kohe dhe do te vijoje deri ne oret e pasdites te dates 31 dhjetor.

Me pas do te behen krahasime me cmimet e muajit nentor”, tha drejtori i pergjithshem i Tatimeve, Artur Papajani. Rritje te cmimeve ka pasur kryesisht per mallrat e importit, shkaktuar nga forcimi i euros, qe gjate dites se djeshme pati rritje me 2 leke. “Ky eshte njeri ndikim. Por nese shikon me kujdes, bie ne sy se supermarketet kane cmime me konkurruese se tregtaret e vegjel qe shesin anash rruges. Pra, nje pjese e spekulimeve ndodh tek i vogli dhe tek i madhi, pra shumica”, ve ne dukje kreu i tatimeve.

Pothuajse ne cdo fundvit, kur njerezit nxitojne te shpenzojne tej normales shikohet nje tendence e rritjes se cmimeve. Dje, pothuajse ne te gjitha pikat e pakices 1 kg mandarine e gjeje me 120 leke dhe askush nuk e levizte cmimin. Specat kishin kapur nivelin e 270 lekeve, rrushi 300 leke, kastraveci me 240, domatja me 140 leke etj. Rritje te cmimit ka pasur edhe te produktet e mishit, sidomos i gjelit te detit, ushqimi me i perdorur per festat e fundvitit.

Tatimoret japin garanci se kush ka abuzuar me cmimet do ta paguaje me takse shtesen ne xhiro. Sipas tyre, askush nuk i shpeton skemes se taksimit, sidomos tani qe per 5 milione leke qe kalon xhiron, mund te kthehesh direkt biznes me taksen e Tatimit mbi Vleren e Shtuar. Fenomeni i rritjes se cmimeve vjen edhe si efekt i kerkese-ofertes ne treg. Perqendrimi i madh i kerkesave per produkte ne tri ditet e fundit te festave detyron tregtaret te rrisin cmimet si reagim ndaj sasise qe ka ne dispozicion. Po te vihet re, ne datat 1 dhe 2 janar rikthehet situata normale e cmimeve.

Top Channel