Berisha: Korrupsioni vrau policet

25/12/2009 15:45

Per vitin 2009 policia shqiptare ka raportuar nivele te reja dhe te kenaqshme te sigurise publike, te cilat sipas Drejtorit te Pergjithshem te Policise Hysni Burgaj kane te bejne se pari me uljen e vrasjeve, gjthsej 79 brenda nje viti, ku jane zbuluar 70 prej tyre. (UPDATE)

“Eshte per t’u theksuar se ne shenojme numrin me te ulet te vrasjeve ne vend”, u shpreh Burgaj, duke folur me shifra.

Ne analizen vjetore te Policise se Shtetit, drejtori i Pergjithshem i policise evidentoi kryesisht sukseset e unifomave blu, ne luften kunder krimit te organizuar, perfshire trafikun e narkotikeve dhe kultivimin e tyre, ku bie ne sy gati pergjysmimi i mbjelljes se kanabis, krahasuar me 2005-en.

Persa i perket luftes kunder korrupsionit dhe krimit financiar, Policia e Shtetit raporton procedimin e 2049 autoreve dhe vlera e aseteve te sekuestruara shkon ne 5 milione euro.

Por, duke pergezuar forcat e policise per gjithcka kane bere, anen e erret te uniformave blu e vuri ne dukje kryeministri Sali Berisha, duke qene i vetmi qe permendi rastin me te dhimbshem te vrasjes se 4 oficereve te policore gushtin e kaluar gjate nje operacionit ne Durres.

“Eshte korrupsioni ai qe sherbeu si kondite me kryesore per vrasjen e kater oficereve te policise ne Durres. Ishte inspektori i policise ai qe i jepte mbulese terroristit Dritan Dajti, duke u bere bashkefajtor dhe kriminel po aq sa ai. Ua dhashe kete shembull per t’ju ilustruar se sa jetike eshte lufta kunder korrupsionit”, u shpreh Berisha.

Kryeministri evidentoi edhe disa probleme te tjera ne Policine e Shtetit, persa i perket zbatimit te ligjit.

“Nuk jane te pakta rastet kur kryeministri informohet se policia heziton te mbeshtese permbaruesin ne ekzekutimin e vendimit te Gjykates. Nuk mund te pranohet situata ne trafikun rrugor. Nje pergjegjesi per aksidentet me shpejtesi te madhe eshte e Policise se Shtetit dhe e skuadrave te monitorimit te rrugeve”, u shpreh Berisha.

Duke i kerkuar Policise se Shtetit te ngrejne ne nivel me te larte luften kunder korrupsionit brenda vetes dhe tek cdo zyrtar i shtetit, mesazhi i kryeminitrit per uniformat blu ishte ky:

“Nuk duhet te terhiqeni para asgjeje para cilitdo ne kete lufte. Pa penalizimin e zyrtareve te korruptuar, lufta kunder korrupsionit behet thjesht nje iluzion”, u shpreh Berisha.

Top Channel