Biznesi: Nuk na shqeteson kriza ekonomike, por ajo politike

24/12/2009 08:35

Biznesin ne vend nuk e shqeteson aq shume kriza ekonomike, sesa situata politike ne vend, e cila prej tre muajsh po shtrengon reformat me ligjet.

Ne nje takim te zhvilluar ne kuader te nje marreveshjeje bashkepunimi me ndertuesit dhe fasonet, Dhoma e Tregtise dhe Industrise Tirane permblodhi zhvillimet kryesore te vitit 2009, ku padyshim vend te dukshem zinte kriza ekonomike, por reformat pozitive te qeverise.

Me kete rast, kreu i Dhomes se Tregtise, Nikolin Jaka, paraqiti nje sere sugjerimesh drejtuar qeverise dhe politikes ne teresi. E para ishte zgjidhja e situates politike dhe liberalizimi i shpejte i vizave.

“Efektet e krizes ekonomike qene minimale dhe jane bizneset me mire se kushdo qe e konfirmojne kete fakt. Niveli i larte i investimeve publike, i kombinuar me reformat fiskale dhe rregullatore sherbyen ne menyre te suksesshme te amortizonin çdo efekt negativ”, u shpreh Jaka.

Duke folur per marreveshjen, kreu i Dhomes tha se bashkepunimi me dy prej grupimeve me te fuqishme te biznesit, ndertuesit dhe fasonistet, na ben te jemi artikuluesit me te mire te problemeve qe bizneset kane.

Sa i takon shqetesimeve, kreu i bizneseve te Tiranes kerkoi mirekuptimin e opozites per te votuar ligjin per Gjykaten Administrative. “Eshte e qarte se bojkoti krijon pasiguri per biznesin dhe klimen ne pergjithesi. Ne e kemi ndjere shqetesimin qe eshte krijuar nga situata aktuale politike edhe ne takimet qe kemi pasur me partneret tane te huaj”, veçoi Jaka. Me tej u theksua problemi i liberalizimit te vizave. “Te operohet me shpejtesi per plotesimin e kushteve per liberalizimin e vizave e perkthyer kjo si nje zhvillim shume i mirepritur per sipermarrjen dhe biznesin ne pergjithesi”, ishte njera nga kerkesat.

Shume prej ligjeve te miratuara nga qeveria nuk e kane pasur pelqimin e biznesit, per shkak se hartimi i drafteve behet ne menyre jo transparente. Per kete shkak, Dhoma e Tiranes kerkon me force qe diskutimi i iniciativave ligjore dhe projektligjet te behen me grupet e interesit.

Top Channel