Shqiperia merr pyetesorin e BE

16/12/2009 15:00

Po te perifrazonim kryeministrin, kartolina historike qe Komisioni Europian i solli Shqiperise per festat e fundvitit eshte pyetesori i shumepritur me 2280 pyetje, i printuar ne 384 faqe, ne disa kopje, por edhe ne forme elektronike. (UPDATE)

I rrethuar nga drejtori i tij i ri i kabinetit Oerd Bylykbashi dhe keshilltari per NATO-n Glori Hysi, kryeministri garantoi se ne dhenien e pergjigjeve, qeveria do te jete gjitheperfshirese. Prej nga, nje ftese e posacme ne adrese te Edi Rames.

“Une shfrytezoj kete rast per te ftuar kryetarin e Partise Socialiste qe se bashku ta pershendesim ne nje konference shtypi kete moment historik per te gjithe shqiptaret, si nje deshmi e vullnetit te perbashket te forcave politike per te kontribuar ne procesin e integrimit te vendit ne Bashkimin Evropian. E siguroj se qeveria mbetet shume e hapur per te degjuar zerin e opozites, eksperteve te saj ne te gjithe problematiken e madhe qe trajton pyetesori”, u shpreh Berisha.

Mesazh i marre 100% nga ambasadori Lohan, i cili ne kete kontekst nenvijezoi edhe njehere rendesine teper te madhe te atij qe quhet kriteri politik.

“Komisioni Europian do te perpiqet te pergatise nje mendim ne lidhje me perparimin e prekshem qe mund te jete bere ne lemin e ketyre kritereve politike. Komisioni do t’i ananlizoje pergjigjet qe do te jene dhene me interesin me te madh. Per kete arsye bejme edhe njehere thirrje qe vendi i debatit politik eshte brenda Parlamentit. Mbajta shenim mire ftesen e bere nga kryeministri per ta nisur kete dialog. Komisioni europian, une personalisht, sigurisht qe urojme me tere forcen tone qe ngerci politik ne Shqiperi te tejkalohet perpara ose ne fillim te vitit qe vjen”, tha Lohan.

Ne vend te mbledhjes se qeverise, kryeministri preferoi qe t’ia dorezoje menjehere pyetesorin ministres se Integrimit Majlinda Bregu

“Me perkushtim do te permbushim detyrimet tona madhore, te ketij procesi qe eshte me i rendesishmi”, tha Berisha.

Kryeministri eshte zotuar se pergjigjet do te jene gati per dy muaj e gjysme, pra ne fund te shkurtit, cka do te thyente edhe edhe rekordin e Kroacise, e cila iu pergjigj pyetesorit te saj per kater muaj.

Pergjigjet e pyetesorit i nevojiten Komisionit per te vleresuar se sa i afte eshte nje vend per te marre persiper detyrimet qe rrjedhin nga anetaresimi.

Ne Shqiperi per pergjigjet do te punojne rreth 800 persona nga administrata, te bashkerenduar nga Sekretariati europian i krijuar rishtas ne Ministrine e integrimit. Kurse Komiteti nderministror i integrimit do te shqyrtoje cdo jave ecurine e ketij procesi.

Komisioni europian nga ana e tij vlereson se i duhen 12 muaj kohe pas marrjes se pergjigjeve nga Tiarana zyrtare, per te perpiluar opinionin e tij per Keshillin e ministrave te jashtem te Bashkimit Europian.

Jane ata qe do te vendosin me pas nese Shqiperise do t’i jepet ajo statusi i vendit kandidat dhe kur do te fillojne negociatat per anetaresim, negociata qe nga ana e tyre mund te zgjasin disa vite.

Top Channel