Greqi, bombe makines se diplomatit shqiptar

Ka qene pikerisht ora 04:15 e mengjesit te se shtunes, kur eshte sulmuar, kete here, makina fuoristrade qe i perkiste oficerit te kontaktit te kesaj konsullate, Edi Voshtina.

Perseri persona te panjohur, sipas Drejtorise se Policise se Selanikut, i kane vene zjarrin kesaj makine, qe ishte parkuar vetem disa metra nga godina e Qendres Tregtare te Selanikut, ne katin e trete te se ciles ndodhen edhe zyrat e konsullates shqiptare. Pamjet nga makina e djegur ne kryqezimin e rrugeve Karolu Dil dhe Ermu, qe ka siguruar gazeta “SHQIP”, tregojne se zjarri i shkaktuar ka demtuar krejtesisht pjesen e motorit.

Madje eshte dashur nderhyrja e dy makinave zjarrfikese me gjashte efektive per te ndaluar perhapjen e flakeve ne makinat e parkuar prane saj. I pyetur per ngjarjen, oficeri i kontaktit prane konsullates ka deklaruar se eshte lajmeruar nga policia greke rreth ores dhjete te mengjesit, se makina e tij eshte bere objekt sulmi i personave te panjohur. Por vete ai ka lajmeruar eprorin e tij per ngjarjen, konsullin Thoma Nini, shume ore me vone. Per sa i perket shkaqeve te ketij sulmi, burime prane policise se Selanikut jane shprehur se nje nga pistat per kete akt eshte ajo e djegies prej elementeve anarkiste, per faktin se shpesh here makinat e trupave diplomatike ne Greqi behen objekt sulmi te akteve te dhunshme te tyre.

Por ata nuk kane perjashtuar edhe pisten e hakmarrjes personale ose ate per shkak te detyres, derisa te zbardhen krejtesisht faktet. Ajo cka krijon pershtypje eshte fakti se perse kaq shpesh automjetet e konsullates shqiptare ne kete qytet jane bere objekt sulmi.

Top Channel