Grinden per lojen, thika nje 24-vjecari

Ngjarja e rende ka ndodhur rreth ores 14:25 te se shtunes, ne nje nga pikat e lojerave te fatit, qe ndodhen ne afersi te tregut valutor te qytetit juglindor. Burimet policore qe kane shkuar ne vendngjarje dhe kane nisur hetimet per kete rast, kane sqaruar per “Shqip” se tre te rinj nga qyteti i Korces jane grindur mes tyre per nje loje ne kompjuter, ne nje pike lojerash fati. Sherri i nisur me fjale, ka degjeneruar ne perplasje fizike, derisa nje 20-vjecar ka qelluar dy here me thike Novertin Terpollarin, 24 vjec.

Burimet e policise lokale kane bere te ditur se i demtuari ka qene bashke me te vellain, Altin Terpollarin, duke luajtur ne nje nga kompjuteret qe ndodheshin ne salle, kur autori Bledar Kocanji i ka kerkuar me force 24-vjecarit te largohet dhe ta lere ne mes lojen. Kerkesa nuk eshte pranuar nga Terpollari dhe mes dy vellezerve dhe Bledar Kocanjit, banues ne Lagjen 8 te Korces, ka nisur nje sherr me sharje dhe fyerje reciproke, te cilat jane pasuar nga perplasja fizike.

Mesohet se ne grindje e siper me dy vellezerit, 20-vjecari ka goditur dy here me nje thike qe mbante me vete 24- vjecarin Novertin Terpollari. I riu eshte qelluar nje here pas shpine, nderkohe qe kur eshte ngritur ka marre edhe nje plage tjeter ne kembe. Ai eshte transportuar ne gjendje kritike per jeten drejt spitalit rajonal te qytetit nga deshmitaret qe jane gjendur ne vendin e ngjarjes. Nderkaq, autori ka tentuar te largohet nga vendi i ngjarjes, por eshte kapur nga ana e policise ne kushtet e flagrances dhe eshte bere ndalimi i tij.

Uniformat blu ne momentin e arrestimit kane gjetur dhe sekuestruar ne cilesine e proves materiale edhe armen e ftohte me te cilen eshte kryer plagosja. Ndaj Bledar Kocanjit rendon akuza e vrasjes se mbetur ne tentative, nderkohe qe materialet i kaluan organeve kompetente per hetime te metejshme.
 

Top Channel