Erozioni rrezikon Vloren e Beratin

Ne kete aspekt, situata serioze jane krijuar ne Berat dhe ne Vlore, ku per shkak te rreshqitjeve te dheut rrezikohen dhjetera banesa. Ne zona te tjera, erozioni i ka bere teper te rrezikshme rruget.

Ne hyrje te qytetit te Vlores, ne lagjen “Rilindja”, disa shtepi rrezikohen nga renia e nje bunkeri te madh, qe ndodhet ne maje te nje kodre. Banoret e kesaj lagjeje jane te frikesuar, pasi gerryerja e dheut nen bunker e ka bere ceshtje kohe shkeputjen e tij dhe rrokullisjen neper zonen e banuar.

Ata tregojne se problemi eshte krijuar nder vite per shkak te marrjes se dheut ne kete vend nga fabrika e tullave. Dheu eshte hequr ne menyre sistematike, duke e lene bunkerin ne maje te kodres, thuajse ne ajer dhe reshjet e fundit mund te shkaktojne rreshqitje dhe te shkaterrojne krejtesisht bazamentin qe ende e mban te fiksuar ne toke ndertimin gjigant prej betoni.

Per kete problem, banoret e lagjes “Rilindja” jane ankuar disa here prane autoriteteve lokale dhe atyre qendrore. Prefektura e Vlores e njeh kete problem dhe zyrtaret e saj thane dje se jane marre masat qe te pezullohet puna ne fabriken e tullave, si dhe eshte bere plani per zhvendosjen e bunkerit. Por plani ka mbetur ne leter dhe per banoret e zones, keto dite ka mbetur vec t’i luten Zotit qe e keqja te mos ndodhe. 
 
Berati renditet i katerti nder qarqet me te rrezikuara nga moti i keq ne vend. Fryrja e lumenjve, si pasoje e shtimit te reshjeve te shiut dhe vershimi i degeve te tyre jane rreziqet kryesore qe mund te shkaktojne permbytje ne qytetet dhe fshatrat e ketij qarku.

Por rreziku me i madh qendron mbi kokat e banoreve te “Mangalemit” dhe “Gorices”. Keto lagje jane demtuar here pas here nga shkeputja e masiveve shkembore nga mali dhe reshjet e vazhdueshme te diteve te fundit po krijojne terrenin per shembje te tjera. Per keto probleme dhe te tjera, prefekti i Beratit ka mbledhur dje ne nje takim shtabin e emergjencave civile, ku ka kerkuar marrjen e masave per perballimin e situatave te renduara qe mund te krijohen gjate stines se dimrit.

Prefekti Konstandin Lefta thirri ne nje mbledhje urgjente drejtuesit e bashkive, komunave dhe drejtoret e drejtorive me varesi vertikale, duke deklaruar ngritjen e shtabit te emergjencave civile per stinen e dimrit. Ai u kerkoi pushtetareve vendore te vene ne gatishmeri te plote shtabet e tyre te punes per te perballuar cdo situate.

Gjate takimit te shtabit te emergjencave eshte kerkuar qe drejtorite e rrugeve, ujesjellesve e kanalizimeve, shendetit publik te jene ne gatishmeri te plote per situatat qe mund te krijohen. Te tjera probleme qe mund te hasen gjate stines se dimrit jane dhe rreshqitja e tokave, bllokimi i rrugeve nga bora, permbytja e banesave etj. 

Top Channel