Vetevaret me litar shoferi 58-vjecar

31/10/2009 08:35

Nje 58-vjecar nga Belshi i ka dhene fund jetes duke u vetevarur, nderkohe qe mbeten mister shkaqet qe e kane cuar drejt veteflijimit.

Ngjarja ka ndodhur rreth ores 20:00 te mbremjes se te enjtes, ne Belsh, rreth 20 kilometra ne jugperendim te qytetit te Elbasanit.

Sipas burimeve zyrtare te policise behet e ditur se Rexhep Tafani, 58 vjec, eshte gjetur i varur ne nje magazine, brenda territorit te baneses se tij.

Menjehere pas ketij njoftimi te marre nga ana e policise lokale, ekspertet kriminale te Elbasanit kane shkuar ne vendngjarje.

Nga keqyrja e vendit te ngjarjes dhe kufomes, ku nuk jane gjetur demtime fizike apo shenja dhune ne trup, eshte deklaruar se behej fjale per nje vetevrasje.

Nga deklarimet e te afermve, u konstatua se 58- vjecari Tafani eshte gjendur i vetevarur ne magazine dhe paraprakisht mendohet se veprimi eshte kryer ne kushtet e depresionit nervor.

Sipas personave te aferm me familjen e te ndjerit, behet e ditur se Tafani i kishte femijet e rritur dhe prej disa vitesh jetonin dhe punonin ne emigracion ne shtetet fqinje.

Bente nje jete normale, kishte te ardhura te mira financiare. Para disa vitesh ka punuar si shofer i nje autobusi udhetaresh ne linjen Elbasan–Belsh dhe se fundi kishte marre edhe nje furgon, duke kryer te njejtin profesion.

Sidoqofte, policia eshte duke vazhduar hetimet, ndersa materialet iu kaluan Prokurorise se Rrethit Gjyqesor te Elbasanit per veprime te metejshme per vepren penale “shkaktim i vetevrasjes”.

Top Channel