Shkon per te ushtruar kontroll ne banesen e nje te dyshuari per vjedhje, plagoset me mjete te forta nje efektiv i Policise se Sarandes.
Ngjarja e pazakonte ka ndodhur rreth ores 14:00 te se martes ne qytetin jugor. Ne nje nga kryqezimet kryesore te rrugeve, ne afersi te hotelit “Lili” dhe te tregut industrial, ka mbetur i plagosur oficeri i policise se rendit, 40-vjecari Roland Merko.
Burime nga blute lokale bejne te ditur se nje grup efektivesh te Policise se Sarandes, te shoqeruar edhe nga inspektori i rendit Merko, ne cilesine e te plotfuqishmit te lagjes “Koder” te qytetit, kane tentuar te ushtrojne kontroll ne banesen e nje te dyshuari ne lagjen Nr.3 ne qytetin e Sarandes, pikerisht ne kryqezimin e quajtur i mish-peshkut.
Ne momentin kur uniformat blu hyne brenda, nga dritarja e baneses qe do te kontrollohej, kane dale dy djem te rinj, te cileve pas pak minutash u eshte bashkuar edhe nje tjeter. Ata jane Geart Cocka, Xhafer Bajo dhe Roland Aliaj, ne moshen nga 20 ne 23 vjec. Duke u bere se bashku, ata jane grindur fillimisht me fjale me grupin e policeve, ndersa me pas debati eshte shnderruar ne perplasje fizike dhe perdorim mjetesh te forta.
Inspektori Roland Merko eshte qelluar me grushte, shqelma dhe me sende te forta. Ne perpjekje per t’u vetembrojtur, Merko ka vene ne perdorim armen e sherbimit, me te cilen ka qelluar ne ajer. Pas ketij momenti tre djemte qe po e sulmonin jane terhequr dhe larguar menjehere nga vendi i ngjarjes. Ne ikje e siper ata kane rrezuar pertoke edhe nje motociklete, me te cilen tentuan te largoheshin. Ne vendngjarje kane mberritur menjehere ambulanca dhe forca te shumta policore.
Inspektori Roland Merko eshte transportuar ne drejtim te urgjences “Stefan Mekshi” te spitalit civil te Sarandes. Mesohet se nga goditjet, atij i jane shkaktuar plage te ndryshme ne trup dhe ne doren e djathte. Burime spitalore bejne te ditur se ai gjendet ne spital jashte rrezikut per jeten dhe gjendja shendetesore po permiresohet. Vendi i ngjarjes eshte rrethuar nga efektive te shumte te policise se rendit dhe asaj kriminale.
Nderkohe, agjente te policise kane krijuar kordone rrethues qe kane zgjatur per disa ore, duke mbajtur ne kontroll sidomos aksin rrugor nga hotel “Butrinti” ne Kanal te Cukes, drejtim ne te cilin kishte te dhena se ishin larguar djemte agresore. Pas disa oresh mbajtje te bllokuar te ketij aksi dhe ushtrim te kontrolleve ne hotelet buze rruges, u be kapja e te tre autoreve te ngjarjes.
Nderkaq burime nga policia thane se autoret e sulmit mbi efektivin e policise jane kontingjent i tyre dhe dyshohet se jane perfshire ne serialin e vjedhjeve te fundit te ndodhura ne Sarande, si dhe ne episodet e fundit te trafikimit te lendeve narkotike. Dyshimet kishin bere te nevojshem kontrollin e baneses se njerit prej tyre. Ndaj tre te rinjve, qe plagosen inspektorin e policise Merko dhe u perballen me te gjithe grupin e uniformave blu, mesohet se kane nisur menjehere hetimet.
Top Channel
