PS, kritika qeverise

25/10/2009 16:30

PS, ne dy deklarata te posacme iu kushtua kujdesit qe qeveria duhet te kete ndaj femijeve dhe papunesise.

Deputetja Vasilika Hysi vecoi disa sygjerime per qeverine ne drejtim te mbrojtjes se femijeve, duke nenvizuar se qeveria duhet te marre masat ligjore dhe administrative sociale per te identifikuar dhe trajtuar te gjitha familjet ne nevoje dhe qe perdorin femije per te lypur ne rruge, apo femijet qe jane objekt keqtrajtimi shfrytezimi trafikimi dhe te punes dhe detyruar.

Zonja Hysi tha se te gjithe jane deshmitare te asaj qe thekson dhe raport-progresi i Komisionit Europian per keto ceshtje.

“Shqiperia vazhdon e jete nje vend origjine per femijet qe trafikohen per shfrytezim seksual dhe pune te detyruar se ne Shqiperi mungojne sistemet e referimit te femijeve nen moshen 14 vjec qe jane ne risk dhe mund e kryejne vepra penale, se ndonese ne Shqiperi eshte miratuar strategjia per kujdesin ndaj femijeve, zbatimi i standarteve dhe burimet e nevojshme per zbatimin e kesaj strategjie mungojne”, deklaroi deputetja Hysi.

Ne nje tjeter zhvillim nensekretari i PS-se, per programin, Ervin Bushati u fokusua tek papunesia kur fajesoi kryeministrin se politikat ekonomike te punesimit ne Shqiperi kane deshtuar pa prodhuar asnje rezultat.

“Manipulimet me shifrat zyrtare te papunesise nuk mund te fshehin realitetin. Qeveria Berisha nuk ka aftesi per te hapur vende pune sepse nuk ka nje strategji te qarte per punesimin. Eshte faji i Berishes qe probleme serioze me pronen, korrupsionin dhe infrastrukturen po asfiksojne ekonomine shqiptare dhe mundesine reale per te krijuar vende te reja pune”, tha nensekretari Bushati.

PS tha Bushati denoncon premtimet boshe te qeverise per qindra mijra vende pune te reja kur papunesia sic u shpreh ai kercenon cdo familje shqiptare.

Top Channel