Orikum, protesta per pronen

25/10/2009 08:20

Rreth 100 banore te Orikumit kane protestuar mengjesin e djeshem prane nje blloku ndertesash te qytezes.

Ankesat e protestuesve lidhen me shkeljet qe, sipas tyre, po i behen ligjit nr. 7501.
Sipas banoreve, rinisja e punimeve per ndertimet ne kete zone, ne nje kohe qe ceshtja eshte ende ne proces gjyqesor, i ka detyruar te dalin serish ne rruge te protestojne.

Ata shprehen se i kane bllokuar punimet e firmes dhe po qendrojne me turne prane makinerive deri ne zgjidhjen e problemit te tyre. Banoret jane shprehur te indinjuar per indiferentizmin politik, per zgjidhjen e kerkesave te tyre.

Dikur ata kane qene punonjes se NB Rinia Orikum dhe si te tille jane perfitues nga ligji 7501 per rreth 450 ha siperfaqe. Por dhenia e ketyre tokave pronareve te tjere ka ngjallur reagimin e banoreve. Disa kohe me pare ata nuk lejuan perreth 2 ore bashkiaket te hynin ne ambientet e bashkise, nderkohe qe dje kane bllokuar punimet e firmes ndertuese.

Sipas tyre, ky nuk eshte abuzim i vetem qe u eshte bere nga Komisioni i Kthimit dhe Kompensimit te Pronave, pasi tokat qe dikur kane qene uje dhe shkurre, sot jane te regjistruara ne kategorine e arave. Sipas protestuesve, jane rreth 600 persona punonjes te ish-ndermarrjes NB Orikum qe kane perfituar toke ne perdorim sipas ligjit nr. 7501, pas prishjes se Ndermarrjes Bujqesore si gjithe te tjeret, por edhe pse eshte kerkuar shume here qe kjo toke t’u jepet ne pronesi, ashtu si dhe zonen e Radhimes, Dukati dhe Tragjasit, kjo kerkese ka rene ne vesh te shurdher si nga bashkia ashtu edhe qeveria.

Top Channel