Ambasadori i KE ne Shqiperi, Helmut Lohan ka deklaruar se vendi yne ka bere progrese persa i perket permbushjes se reformave per arritjen e integrimit ne strukturat evropiane, por nga ana tjeter ka theksuar se keto progrese nuk kane arritur nivelin e duhur.
“Vitin e kaluar une thashe se gota ishte gjysmeplot. Ndersa sot eshte nje gote me e madhe qe eshte gjysmeplot. Kjo do te thote se ka permiresime dhe se marredheniet BE-Shqiperi jane inkurajuese”, ka deklaruar Lohan ne nje interviste per Top Channel.
Diplomati evropian ka theksuar se Shqiperise i duhet ende shume pune per te realizuar reformat, ne vecanti ato qe kane te bejne me zbatimin e ligjit, e cila sipas tij eshte thelbesore.
Ai ka theksuar se per arritjen e ketij objektivi kyc duhet edhe kontributi i opozites, pasi mazhoranca e vetme nuk mund t’i miratoje ligjet.
“Eshte e vertete qe ecuria e metejshme per integrimin ne BE kerkon perpjekje per reforma, ne vecanti ne legjislacion dhe ne fushen e zbatimit te ligjit. Persa i perket legjislacionit, Kuvendit do t’i duhet te miratoje ligje te caktuara me nje mazhorance te cilesuar. Jane ligji qe ka te beje me gjyqesorin, gjykaten administrative, etj. Pra reformat nuk mund te behen pa qene ne Parlament te gjitha palet”, ka pohuar Lohan.
Persa i perket ceshtjes se liberalizimit te vizave, ai ka nenvizuar se vendi yne ka plotesuar disa nga kushtet, por ndonese mundesite nuk mungojne, ka ende nje rruge te gjate per te pershkuar.
“Shqiperia ka plotesuar disa prej kushteve dhe i ka dorezuar KE-se nje raport pergatitjeje qe po e shikojne ne Bruksel. Ka pasur permiresime ne fushen e sigurise, tek pajisja e qytetareve me pasaportat biometrike dhe ne fusha te tjera, permiresime qe duhet te vazhdojne. Por ka edhe sektore te tjere ku ka nevoje per ndryshim, si marredheniet mes institucioneve. Shqiperia ka mundesi te plotesoje kushtet, ne menyre qe KE te jape nje vendim mbi procesin e liberalizimit te vizave para perfundimit te gjysmes se vitit te ardhshem”, ka theksuar Lohan.
Lidhur me aplikimin e Shqiperise per statusin e kandidatit, ambasadori ka deklaruar se asnje vend i BE-se nuk ka qellime negative ndaj Shqiperise, por ka saktesuar se disa prej tyre, si Gjermania, kerkojne vetem qe Shqiperia te jete ne nivelin e duhur kur te ndermerret ky hap.
“Nuk ka bllokim dhe nuk ka zera te tjere ne Bruksel persa i perket dorezimit te kerkeses per statusin e kandidatit. Keshilli i ministrave te vendeve anetare do te pergatise nje dokument mbi kerkesen qe ka bere Shqiperia dhe ajo qe shpresojme te ndodhe eshte qe ky raport te transmetohet tek KE brenda vitit dhe pas nje analize te gjate dhe te hollesishme KE do te vendose nese Shqiperise do t’i jepet statusi i kandidatit”, ka saktesuar Lohan.
Me tej ai ka folur edhe per proceset gjyqesore ne vend dhe duke e vene theksin tek ajo e Gerdecit, ka bere thirrje qe politika te qendroje larg. Ai ka dhene garancine e tij se KE do ta ndjeke me vemendje kete proces dhe te tjerat.
Top Channel
