Fier, thirret ne komisariat, dhunon policet

Keshtu ka ndodhur me nje 45-vjecar nga Patosi, i cili ishte thirrur ne Komisariatin e Fierit per nje sherr te ndodhur ne familjen e tij. Por gjate marrjes ne pyetje, ai nuk ka ngurruar qe te fyeje dhe godase me grushte tre uniforma blu. Ngjarja eshte regjistruar oret e vona te mbremjes se te henes dhe burimet zyrtare pohojne per gazeten “Shqip” se i kane vene prangat shtetasit Vilson Dane, lindur e banues ne Patos.
45-vjecari Dane ishte denoncuar nga kunata, e cila rreth ores 20:00 te se henes ka thene ne polici se Vilson Dane e kishte dhunuar duke i shkaktuar plage te renda. Kunata ka kerkuar mbeshtetjen dhe mbrojtjen e policise, por nuk ka kryer denoncimin.

Uniformat blu te Fierit, pasi e kane vleresuar denoncimin, njoftuan inspektorin e zones qe te sillte Danen ne polici, me qellim ballafaqimin me denoncuesen dhe marrjen e nje deklarate prej tij. Mesohet se 45-vjecari ka pritur me teper se tre ore perpara se te bente ballafaqimin, cka duket se ka renduar gjendjen psikologjike.

Burimet policore tregojne se pas futjes se Vilson Danes ne zyren e oficerit te policise gjyqesore, ky i fundit ka kerkuar edhe pranine e dy uniformave te tjera, inspektore krimesh. Ne pranine e tre policeve, Vilson Dane mesohet se jo vetem qe ka fyer te kunaten, por nuk i ka kursyer fyerjet edhe per policet. Sikur te mos mjaftonte kjo, konfirmohet se ai ka qelluar ne drejtim te policeve si dhe i ka kanosur ata.

Koleget e policeve kane nderhyre qe situata te mos acarohej, nderkohe qe Dane eshte prangosur menjehere. Gjithashtu burimet policore tregojne se edhe me pranga ne duar 45-vjecari ka vijuar te nxjerre dufin ne drejtim te policeve. Ndaj tij rendojne akuzat e “fyerjes” dhe “kanosjes per shkak te detyres” parashikuar keto akuza nga nenet 238 e 239/2 te Kodit Penal.

Top Channel