Malaj: Fitorja e Rames nuk eshte zgjidhje

29/09/2009 08:15

Anetari i Kryesise se PS-se, Arben Malaj, ne nje interviste per “Shqip” jep vleresimet e tij rreth procesit zgjedhor te se shtunes se kaluar, ku rezultoi fitues Edi Rama me 93.3%.

“Perderisa nuk ishim pjese e konkurrimit, nuk kemi bere nje ndjekje nga afer te procesit, megjithese kemi theksuar publikisht qe cilesia e ketij procesi ka ndikime mbi kredibilitetin e zhvillimeve ne PS dhe sidomos ne kredibilitetin e saj per debatin e standardeve te zgjedhjeve politike ne vend”, ka pohuar Malaj.

I pyetur se cila do te jete e ardhmja e levizjes se Mendimit Ndryshe ne PS, identifikuar me pese deputetet kundershtare te zotit Rama, Malaj eshte pergjigjur se grupi do te kontribuoje per largimin e PS nga humbjet e vazhdueshme.

“Nuk eshte nje grup anti-Rama, por nje angazhim publik PRO-PS, qe me konkretisht do te thote se thjesht fitorja e Rames dhe aq me pak fitorja “e thelle”, nuk jane zgjidhja e problemeve konkrete qe ka PS-ja pas humbjes se perseritur te saj. Qendrimet tona unike dhe publike per pasojat negative te bojkotit te Parlamentit, te keqperdorimit te solidaritetit socialist per fitore 100%, per deformimin dhe keqperdorimin e shumicave numerike, per reduktimin e demokracise se brendshme sidomos te forumeve te saj, mbeten konstante dhe jane kontributi me i mire, me i drejtperdrejte dhe me konkret qe ne i bejme sot PS-se per ta larguar nga humbjet e perseritura, per ta bere me moderne, me demokratike dhe me bindese per te qene fituese”, eshte shprehur Malaj.

Top Channel