Universitetet, me 5 tetor lista e regjistrimeve

28/09/2009 08:45

Data 3 tetor do te shenoje fundin e afatit te regjistrimeve per te gjithe studentet qe u shpallen fitues ne fazen e dyte. Ne oren 18:00 sekretarite e fakulteteve nuk do te pranojne me asnje student per regjistrim.

Kjo do te thote se ka mbetur me pak se nje jave kohe per ata qe ende nuk kane dorezuar dosjen e tyre te dokumenteve, ose nuk kane kryer çregjistrimin nga nje fakultet ne tjetrin.

Sipas Ministrise se Arsimit dhe te Shkences ne nje udhezim te fundit per universitetet ne te gjithe vendin, behet me dije se fakultetet duhet te pergatisin shkresen zyrtare te protokolluar, me te gjitha te dhenat per regjistrimet e fazes se dyte.

Behet fjale per kuotat e mbetura bosh, si pasoje e çregjistrimeve, e mosparaqitjes per regjistrim. Shkresa duhet te mberrije ne Agjencine e Pranimeve te Rezultateve per Institucionet e Arsimit te Larte ne daten 5 tetor.

Me pas APRIAL, ne nje raport, duhet te pasqyroje te dhenat nga regjistrimet e fazes se dyte ne universitetet e te gjithe vendit. Ne nje raport te detajuar do te shenohet i gjithe informacioni i nevojshem.

Sipas APRIAL-it menjehere pas dorezimit te raportit ne bashkepunim me aktoret e tjere, Ministria e Arsimit do te vendose nese do te kete kuota shtese, apo per konfigurimin e formularit A3.

Mes specialistesh do te vendoset se cilat programe do te perfshihen ne kete formular, apo nese do te kete programe te reja qe do te jene pjese e ketij formulari.

Sakaq, pas dates 5 tetor, Ministria e Arsimit do te sqaroje per fazen e fundit te regjistrimeve dhe per te rejat me te fundit lidhur me mundesite qe do t’i jepet maturanteve ne baze te Merit-Preference, nga “surprizat” e 2009-es.

Deri ne daten 3 tetor Ministria e Arsimit ka dhene ultimatum per te gjithe kandidatet e shpallur fitues te regjistrohen brenda afateve te paracaktuara nga udhezimi perkates.

Top Channel