Kamze, ne shkollen e mesme hapet dega e re

Me rastin e fillimit te mesimit ne kete dege te re, dje, ministri i Arsimit dhe Shkences, Myqerem Tafaj, se bashku me Bernd Borchardt, ambasador i Republikes Federale te Gjermanise ne Tirane, vizituan shkollen e mesme profesionale te Agrobiznesit ne Kamze.

Duke e theksuar edhe nje here arsimin profesional si nje sektor prioritar, ministri Tafaj u uroi suksese 28 nxenesve te pare te deges se re te sherbimit social.
Se shpejti do te ndertohet nje godine e re per shkollen profesionale te Kamzes, nje investim prej 5 milione eurosh qe do te realizohet per 3 vitet e ardhshme. Kjo, ne menyre qe ne Bashkine e Kamzes te ngrihet qendra me e madhe e arsimit dhe e formimit profesional ne shkalle vendi.
“Aktualisht, 22% e nxenesve qe perfundojne arsimin e detyruar vijojne shkollen e mesme profesionale. Ne programin tone te qeverise synojme qe ta rrisim kete shifer me 10% me shume.

Por te themi qe me ndryshimin e sistemit nga 8+4 ne 9+3, ne na duhet te bejme nje sistem me atraktiv, terheqes, ne menyre qe nxenesit dhe prinderit te marrin vendimin per te ndjekur arsimin profesional, si nje alternative ndaj arsimit te pergjithshem”, tha ministri i Arsimit, Myqerem Tafaj.

Sipas tij, dega per sherbimin social kundrejt moshes se trete eshte nje profesion jo i lehte, por nje profesion me ndjenja shume te medha humane: “Te zgjedhesh nje profesion per sherbimin social, ne te cilin eshte edhe nje profil per moshen e trete, ne radhe te pare duhet te kesh shume humanizem, nje gatishmeri shume te madhe per te ndihmuar njerezit qe jane ne moshen e trete, me gjithe problemet e tyre, per t’ua bere jeten sa me te mire, edhe pse jane ne moshe te thyer”, theksoi ministri.

Top Channel