Bregu: Ne vjeshte shqyrtohet aplikimi per statusin

22/09/2009 08:55

Komisioni Europian do te  shqyrtoje ne vjeshte aplikimin e Shqiperise  per statusin e vendit kandidat ne Bashkimin Europian.

Ministrja e Integrimit, Majlinda Bregu, ben me dije se sinjalet jane pozitive, pasi veç performances se mire ne zgjedhje, asnje vend i bllokut nuk ka tendence per te bllokuar procesin.

Optimizmin lidhur me kete çeshtje, qeveria shqiptare e lidh me deklarimet e forta te zyrtareve te larte te Brukselit ne raport me zgjedhjet parlamentare.

Ministrja Bregu thote se panorames se vleresimeve zyrtare pozitive te Brukselit qe me heret konkluduan me hyrjen ne fuqi te MSA, i mungonin zgjedhjet, kriteri me i rendesishem politik per t’u permbushur.

Muaji me i mundshem per shqyrtimin e kerkeses duket te jete tetori. Ministrja per Integrim thote se procesi jo domosdoshmerisht eshte i lidhur me daten e shpalljes se progres-raportit te BE, dokumentit qe ben vleresimin e ecurise 1-vjeçare te vendit.

Progres-raporti i vitit 2009 u publikua ne ditet e para te muajit nentor. Bregu garanton se procesi per shqyrtimin e statusit kandidat nuk do te hase ne asnje pengese nga vendet e BE.

Bregu ka parasysh ketu dhe Gjermanine, e cila ka nje fokusim te madh ne çeshtjet e brendshme per shkak te zgjedhjeve te pergjithshme qe do te zhvillohen me 27 shtator.

Top Channel