Britani, sulm racist ndaj dy shqiptareve

02/09/2009 15:05

Nje emigrant shqiptar ne zonen Hampshire eshte goditur barbarisht gjate nje sulmi te paprovokuar me motive te pastra raciste.

Ngjarja ka ndodhur ne qytezen Winchester, ne jug te Anglise, kur emigranti shqiptar 31 vjec, ndersa po ecte me te vellane e tij, eshte goditur ne koke nga dy qytetare anglez.

Policia lokale nuk ben te ditur emrin e shqiptarit por thote se sulmi ishte teresisht i paprovokuar. Nga ky sulm i riu shqiptar ka perfunduar ne spital me nofull te thyer.

Nje zedhenes i policise i deklaroi per Top Channel, se dy vellezerit shqiptare ishin duke ecur prane vendit te quajtur “Theatre Royal”, kur nje person ende i paidentifikuar rreth te 30-tave, nisi te bertase duke ofenduar shqiptaret.

Atij i eshte bashkuar edhe nje person i dyte i moshes 20 vjec duke nisur nje sulm ndaj shqiptareve.

Njeri prej dy vellezerve ka pesuar dy thyerje te nofulles, demtime ne brendesi te veshit dhe te cara ne koke.

“Ky ishte nje sulm totalisht i pa provokuar i cili coi ne demtime serioze te viktimes” ka deklaruar Richard Matthews nga policia e Winchester-it qe po heton ngjarjen.

Sipas tij dy vellezerit shqiptare te sulmuar ishin viktima te nje sulmi racist, kjo bazuar ne komentet e agresoreve perpara goditjes. Richard Matthews thote se nje krim i tille ndodh teper rralle ne qytezen Wincherster.

Top Channel