Gjate vizites se tij ne Tajvan lideri shpirteror tibetian, Dalai Lama ka hedhur poshte akuzat e Kines se vizita e tij ne ishull eshte per ceshtje politike.
“Kam nje ftese per te shkelur ne kete vend. E di vizita ime ndoshta do te sjelle tensione si shkak i keqkuptimeve, por eshte pergjegjesia ime qe te bashkohem moralisht me keta njerez te cilet po kalojne nje periudhe te veshtire”, u shpreh per gazetaret nga Tajvani, Dalai Lama.
Lideri tibetian ndodhet ne Tajvan ne nje vizite per te nderuar viktimat e shkaktuara nga tajfuni “Morakot”, i cili goditi disa vende te Azise Juglindore duke shkaktuar mbi 500 viktima dhe deme te konsiderueshme materiale.
Por vizita e udheheqesit tibetian i cili kerkohet nga drejtesia kineze eshte cilesuar nga Pekini si nje vizite e cila ka per qellim bisedime politike me udheheqesit tajvaneze.
Kina e cileson Tajvanin pjese te territorit te saj, pavaresisht se ky i fundit ka shpallur pavaresine, veprim ky qe ka sjelle mjaft incidente diplomatike jo vetem mes dy vendeve por me te gjitha shtetet te cilat kane njohur pavaresine e tij.
Top Channel
