Matura, rikorrigjimi i testeve, rezultatet te njejta

Kjo pasi verifikimi i pergjigjeve te dhena prej tyre ne provimet e lendeve me zgjedhje nuk ka mundur qe te hedhe dyshime ne pjesen me te madhe te rasteve per vleresuesit e pare.

Drejtori i Agjencise se Vleresimit te Arritjeve te Nxenesve (AVA), Alfons Harizaj, shprehet se pas rikorrigjimit nuk ka pasur ndonje ndryshim te dukshem ne rezultatet e arritura fillimisht nga maturantet. Nderkohe qe sqaron se edhe kerkesat per rikorrigjime nuk jane te medha ne raport me numrin ne total te kandidateve per ne institucionet e arsimit te larte publik ne vend.

Perfundimi i plote i procesit te rikorrigjimit te testeve ku te rinjte kane pasur ankesa per rezultatin do te permbylle edhe pergatitjen e te gjitha te dhenave te domosdoshme per shpalljen e listes se fituesve te fazes se pare per ne universitetet publike ne vendin tone.

Matura Shteterore e ketij viti per here te pare qe nga fillimi i saj lejoi procesin e rikorrigjimit te testeve dhe ndryshimin e rezultateve ne rast se do te verifikoheshin gabime ne vleresim. Por duket se ne disa raste kerkesa per rikorrigjim me shume u ka prishur pune te rinjve, se sa u ka ndrequr.

Fatmir Vejsiu, drejtor i Arsimit te Sistemit Parauniversitar ne Ministrine e Arsimit, pak kohe me pare u shpreh se ne rikorrigjimin e testeve te Matematikes dhe Letersise pati edhe zbritje pikesh te konkurrenteve.
Nga ana tjeter, drejtuesit e Ministrise se Arsimit kane premtuar se listat e fituesve te fazes se pare per ne universitetet publike do te shpallen brenda dates 10 shtator, qe eshte edhe afati limit ne perputhje me rregulloren e matures shteterore.

Tashme eshte mbyllur edhe afati i depozitimit te ankesave per pasaktesi qe mund te jene vene re nga te rinjte ne publikimin e librit te transparences. Ky botim permban te dhenat per secilin kandidat per garen universitare. Botimi dhe shperndarja e tij ne cdo shkolle u krye nga Agjencia e Pranimit ne Institucionet e Arsimit te Larte (APRIAL), ne bashkepunim me drejtorite dhe zyrat arsimore ne rrethe.

Sipas drejtorit te APRIAL, Frederik Shalesi, perpunimi i ketyre te dhenave se bashku me rezultatet e konkurseve per universitetet specifike, si Fakulteti i Arkitektures te Politekniku, apo deget e Akademise se Arteve, do te jene baza per shpalljen e listes paraprake te studenteve fitues.

Kete vit ne universitetet publike ne te gjithe vendin do te pranohen rreth 20 mije studente. Nderkohe qe ne garen universitare marrin pjese gati dyfishi i kuotave te pranimit. Pra, mundesia per te fituar kete vit te drejten e auditoreve universitare publike eshte nje me dy.

Drejtuesit e APRIAL, gjithashtu, u kane bere thirrje te gjithe te rinjve te matures qe pasi te shpallet lista e pare me fituesit, te kryejne regjistrimet ne deget ku jane perzgjedhur. Ne te kundert ata mund te konsiderohen si te skualifikuar gjate fazes se dyte te shperndarjes se kuotave te mbetura te lira.

Top Channel