KQZ, ja rezultati perfundimtar i zgjedhjeve
01/08/2009 08:20
Tornitor prej 62 vitesh! Historia e 78-vjeçarit nga Vlora që e ka shndërruar një dhomë të shtëpisë në ofiçinë 12/05 20:39
Komisioni Qendror i Zgjedhjeve do te shpalle sot rezultatin perfundimtar te zgjedhjeve. Vendimmarrje me rendesi te tille parashikojne nje votim 5 vota pro qe te zyrtarizohet, por per shkak te vendimeve te meparshme kur jane shpallur mandatet per çdo qark, vendimi pritet te merret ne unanimitet te plote nga anetaret e Komisionit Qendror te Zgjedhjeve.
Ne dokumentacionin qe pritet te miratohet sot ne mbledhje jane bere llogarite perfundimtare nga ku del se Koalicioni Aleanca e Ndryshimit i cili kryesohet nga Partia Demokratike ka fituar 712.745 vota ose 46,92% e barabarte kjo me 70 mandate ne Kuvend.
Koalicioni Bashkimi per Ndryshim ka marre 688.748 vota ose 45,34% e perkthyer ne 66 mandate. Koalicioni Aleanca Socialiste per Integrim ka marre 84.407 ose 5,56% e perkthyer ne 4 mandate. Per te vijuar me nje tjeter koalicion, Poli i Lirise, i cili ka marre 27.655 ose 1,82% e perkthyer ne 0 mandate.
Kjo eshte panorama e tabeles perfundimtare te zgjedhjeve sa u perket koalicionit e qe duke mbledhur shumen e mandateve plotesojne numrin e deputeteve qe do te jene ne Parlamentin e ardhshem. Sakaq, KQZ zyrtarizon edhe numrin e votave qe ka marre secila parti. Partia Demokratike ka marre 610.463 ose 40,18% e perkthyer ne 68 mandate.
Aleati i dyte qe ka marre me shume vota eshte Partia Republikane me 31.990 vota ose 2.11% e perkthyer me nje mandat. Pas PR renditet Partia per Drejtesi dhe Integrim me 14.477 vota ose 0,95% e perkthyer ne nje mandat.
Tri partite e tjera qe kane marre vota te konsiderueshme eshte PAA me me shume se 13 mije vota, PLL me shume se 10 mije vota. Ndersa koalicioni Bashkimi per Ndryshim kryesohet nga Partia Socialiste. Ajo ka marre e vetme
620.586 ose 40,85 e perkthyer ne 65 e ndjekur nga PSD me 26.700 ose 1,76% e perkthyer ne 0 mandat. Me pas vjen PBDNJ me 18.078 vota ose 1,19% e perkthyer ne nje mandat. Pas kesaj, partie renditet G99 me me shume se 12 mije vota dhe PDS me 10 mije vota.
Ne dokumentin qe pritet te miratohet sot, KQZ veren se ne perfundim te procedurave ankimore dhe kalimit te afateve ligjore te ankimit ne KQZ dhe ne Kolegjin Zgjedhor, KQZ mbi bazen e rezultatit te votimit per çdo zone zgjedhore, ne mbeshtetje te nenit 162 dhe 163 te Kodit Zgjedhor, perllogariti shperndarjen e mandateve per çdo zone zgjedhore, si dhe kandidatet fitues per çdo parti politike.
Pas shpalljes se rezultatit per shperndarjen e mandateve per çdo zone zgjedhore, si dhe ne perfundim te procedurave ankimore dhe kalimit te afateve ligjore te ankimit ne Kolegjin Zgjedhor, ne mbeshtetje te nenit 21, pika 8, neni 2, pika 18, KQZ shpall me vendim rezultatin perfundimtar te zgjedhjeve.
Top Channel
