Ngecin punimet ne Rrugen e Arberit

Ndonese gjate fushates elektorale te 28 qershorit Kryeministri Berisha preu shiritin e inaugurimit te kesaj rruge, aktualisht vetem ne njerin lot te saj, ate Bulqize-Ura e Qytetit, punimet kane perfunduar, ndersa ne dy lotet e tjere, Ura e Qytetit-Krajke dhe Krajke-Ura e Cerenecit, punimet vazhdojne ende dhe sic duket as ne 4 dhjetorin e ketij viti nuk do mund te perfundojne.

Madje ka segmente te vecanta ku as traseja e rruges nuk ka perfunduar, te cilet jane bere vertet problematike per automjetet, drejtuesit e tyre dhe udhetaret qe levizin ne kete linje. Shoferet ankohen se po u shkaterrohen automjetet nga zvarritja tej cdo norme te punimeve ne kete rruge.

Vec kesaj, ajo po shnderrohet ne burim aksidentesh per mungese sinjalistike e mbajtese metalike anesore, sic dhe ndodhi tri dite me pare, kur ne vendin e quajtur “Tri Cezmat” e Zerqanit, nje autoveture ra ne kanalin e hapur te rruges, ku si pasoje u plagos drejtuesi i mjetit bashke me djalin e tij. Nderkohe, probleme ka pasur edhe per banoret e fshatrave, Sofrocan, Zall-Strikcan, Krajke dhe Zall-Sopot, ku dhe kalon traseja e kesaj rruge.

Nder shqetesimet kryesore te banoreve, mbetet ajo e nderprerjes se energjise elektrike, pasi gjate punimeve ne rruge jane demtuar shtyllat e tensionit te larte 6 mije dhe 120 mije kilovolt, duke i lene keto fshatra me ore, madje edhe me dite, pa drita. Dhe e gjitha kjo, thone banoret, vjen nga fakti se firmat tenderuese te ketyre loteve punojne teper ngadale dhe me forca e mjete pune te pakta, gje qe ka cuar ne zvarritje te tilla jashte cdo norme.

Top Channel